DISCOGRAFÍA
Recién sacáu del fornu, «Mala Relixón» vien ser el nuestru quintu discu llarga duración. Nél recoyemos l’EP homónimu qu’espublizamos l’añu pasáu amás de los cantares del curtiumetraxe «L’ÚLTIMU ALIENDU», «LA MISIVA» del X Aniversariu y dos temes exclusivos que tan acabante asoleyar.
Un discu de 10 cantares grabaos, mezclaos y producíos nos Ovni Estudios de Bonielles con Pablo Martínez (Desakato) a los mandos a lo llargo d’estos 3 últimos años nel que se ve la evolución nel soníu, nes lletres y nel estilu.
Hai que destacar, como siempre, el diseñu de Rubén Fdez «Rubonon» qu’amuesa dafechu la idea ya’l conceptu de Mala Relixón, que nada tien que ver con teoloxía nin con dogmes monoteístes, sinon con esos patrones, idees y programes que nos van yantando sele dende neños na escuela, na familia, na tele y agora nes redes sociales. Un alegatu a garrar les riendes de la vida y volver al orixe y a prender esi llume que toos llevamos dientro.
