STREAMING 10/09/2020
Llevamos tol 2020 preparando lo que diba ser una década de MISIVA y pol andanciu del COVID tuvimos que parar máquines. Conciertos cancelaos, presentación del últimu trabayu cancelada… Una llaceria… Ta siendo un añu negru pa nós y pal mundu de la música en xeneral asina qu’apostamos por un eventu seguru que podéis disfrutar dende casa (o dende onde vos pete).
Ye dalgo que llevamos preparando tol veranu y colo qu’intentamos calmar les ganes de tocar al empar qu’apurrimos un granín d’arena a que la xente que trabaya con nós davezu pueda seguir faciéndolo cola mesma dignidá qu’enantes de la pandemia. Ufiertámosvos la posibilidá de facer un donativu que va dir destináu a sufragar el trabayu de tol equipu que fixo posible el conciertu en streaming y tol trabayu de L’ÚLTIMU ALIENDU.
Collabora con nós y fai que’l mundu de la música siga sollerte. Fai un donativu:
- BIZUM al númberu 606312440
- PAYPAL
- TRESFERENCIA: ES62 2048 0200 1734 0400 0242 (Liberbank). Beneficiariu: Misiva
